[Spellyans] ow tùchya gerlyver an SWF
Nicholas Williams
njawilliams at gmail.com
Mon Mar 26 16:52:45 BST 2018
Nôtyansow ow tùchya Gerlyver an SWF.
Nicholas Williams
An gerlyver a re adhves rag mature, mellow, ripe avell form M ha L. Saw nyns yw an ger kefys ma’s in Kernowek Dewedhes gans Lhuyd hag yma va worth y spellya arvez maturus AB: 47b, arvez ripe AB: 284b. Prag nag yw mencyon gwrÿs a arvez?
An gerlyver a re alargh swan, pl. elergh. In AB: 4 Lhuyd a lever fatell yw †Elerx ‘A Swan’, hèn yw an nùmber udnyk. Yma an daggyer ow sygnyfia nag yw an ger ûsys na felha; hag yma an ger gorrys ganso in rol a eryow ‘which are now disus’d by the Cornish’. Mars yw res gwil mencyon a’n ger elergh gwell via leverel y vos syngùlar adar plûral.
An gerlyver a re alusen alms, pl. alusennow, alusednow. Nyns yw hebma compes. Yma an plûral kefys tergweyth: alesonov BM 1829; alusyon BM 536, alusyen BM 3118.
An gerlyver a re alhwedh avell an ger rag key i’n form M ha L. Hèn yw cabm. An form neb a glôwas Lhuyd o ahuel AB: 7c, 48b.
Ple ma ancar hermit? [OC].
Yma ascendyans i’n gerlyver, saw hèn yw ger nowyth-desmygys. Ny gefyr assencyon ino: ascension TH x 2, assension TH, assencion TH.
Yma avisya hag avisyor i’n Gerlyver. Ple ma avisment? TH.
Ple ma baudkyn baudekin? BK boytkyn.
Ple ma benefyt, benefytys? TH x 6.
Yma benfisek beneficiary i’n gerlyver. Ple ma benfis? benfys OM, benefys BM.
Yma boks box (receptacle), boks blow (in boxing) i’n gerlyver. Ple ma boks box tree (Buxus)? box OC; pl. byxyn PC.
Yth hevel nag eus ger vÿth rag to circumcise na rag circumcision i’n gerlyver. Nyns yw destys i’n textow ma’s udn ger tradycyonal: Rag ny gone ny kylmys the vos circumcisis TH 27a.
An gerlyver a scrif bockyl buckle ha bockla gans -ck- warlergh vogalen got. Prag ytho ymowns y ow screfa broklos, choklets, koklys, takla, fekla? Eus neb rêwl obma?
Yma dew artykyl i’n gerlyver: brasoberys magnificent ha bras-oberys magnificent. Eus dyffrans intredhans?
Breton a’n jevas an plûral Bretons in BK. Yma hedna ow mênya Britons adar Bretons. An erva in agan dyllans ny yw camgemerys.
Ple ma charet chariot? TH charet, charettys.
cheryta yw rÿsn i’n gerlyver. Yma TH orth y spellya charite x 42. Martesen y fia fur gwil mencyon a hedna ha’y spellya charyta.
Ple ma cyrkumstans? circumstans TH x 4, circumstance TH x 2, cyrcumstans TH x 3, cyrcomstans TH x 1, syrcumstans TH x 1.
Ple ma damask damask silk? BK
Ple ma dampnacyon? dampnasconn BM x 2, dampnacion TH x 9, damnacyon TH, damnation, dampnassyon BK, damnassyon BK.
Nyns usy dinethyans, dinythyans ow mênya birth. Styr dinethyans yw generation: bys an tresa han peswera denythyans until the third and the fourth generation JKeigwin, Pryce. An ger Kernowek rag birth yw genesygeth: Eff o purguir den worthy ay genesygeth He was a worthy man indeed by birth BM 43867; colynwys dryn spuris sans thea genesegath filled by the Holy Spirit from birth TH 8; Na esyn vsya argumentys mas vsya exampels Christ ha e negegath Let us not use arguments but use the examples of Christ and his birth SA 61a.
Ple ma eksampyl? exampill TH x 4, exampil TH;, examplys TH, examples TH 2, exampels SA.
Ple ma kondempnacyon? TH x 2.
Nyns usy an ger kondycyon i’n gerlyver. conduconn BM, condicion TH x 2, condiccion TH x 1.
Yma konfessya ha konfessor i’n gerlyver. Yma konfessyon in TH ow lackya.
Ple ma konsekracyon? SA x 5
Ple ma konsekratya? Y kefyr an ger ethgweyth: BM x 1, SA x 7.
Ple ma konsideracyon? TH 3
Yma gidya to guide i’n gerlyver. Nyns usy an geryow gyder TH 49a, gydyar TH 14a. Yth hevel fatell yw gedya (BM x 5) form aral a’n verb gidya. Nyns ywa campollys i’n gerlyver.
golow light. Ple ma inter an dhew wolow twighlight? Cf. tyr an dhêa ẁlw kyvnos, gogyvnos, Lodex Geirlyer Kyrnẁeig 145.
government TH x 3. nyns usy an ger-ma i’n gerlyver.
governour OM, BM, TH. nyns usy an ger-ma i’n gerlyver.
An gerlyver a re *gwriansow avel plûral gwrians. Ny’n jeves an ger plûral vëth. Abstract ywa hag yma va ow mênya ‘activity’.
Yth yw e’n men termyn in the meantime rÿs i’n radn Sowsnek-Kernowek. Saw yth hevel men termyn dhe vos ow lackya i’n part Kernowek-Sowsnek.
Y whelyr mordu navy avell hanow gwadn i’n gerlyver. Hèn yw navy blue, dell hevel. Prag nag ywa spellys mordhu? Usy du an lyw ewn? Gwell via blou morlu martesen.
Ple ma oblacyon? oblation TH 2, oblacyon TH, oblacon CW, oblashion CW x 2, oblashyon CW
Yma an gerlyver ow ry odhomogyon pl. needy persons. Saw yth yw othomegyon kefys inwedh PC 2636.
An gerlyver a re oferenni to celebrate mass. Hèn yw ger nag eus otham anodho. An lavar yw ‘to say mass’: Y leferys offeren du guener vetten certan BM 4420
Ple ma preparya? TH x 4
Ple ma remyttya? TH x 2; ha remyssyon TH x 3?
Ple ma reparacyon? TH
Ple ma reperya? TH x 2
Ny weler repref BM x 2, BK, i’n gerlyver.
Nyns usy an ger reprovya TH x 2, i’n Gerlyver.
Ple ma satyn satin? BK satynn.
Ple ma sendal rich cloth? PA, OM, PC, BK
Nyns eus ger rag sultan i’n gerlyver; saw gweler: sodon OM; Soudan Babylon BK
Yma an ger nowyth-desmygys sprallansedh i’n gerlyver. Ny gefyr resystens ino TH 23, 50a x 2.
Ple ma sygnyfikacyon? TH
Ple ma sygnyfia? TH x 10, SA
Warlergh an styr stroth yma an ger symfony ow mênya neb sort a hùrdy-gùrdy cresôsek.
Yma temptyans i’n gerlyver kynth ywa ger nowyth-desmygys. Nyns usy an ger destys temptacyon ino bytegyns. temptacion PC x 2, temptacyon PC x 3, temptasconn BM, temptacion TH, temptacions TH, temptacon CW x 2, temptation JohnDavies.
Yma ow tochya concerning; as regards rÿs i’n gerlyver. Ple ma tochyng? me a wor na’th es paraw tochyng hegar benenas BK 1136-37
Ple ma violacyon? TH
Ple ma violatya? TH
Yma vokacyon i’n gerlyver. Nyns usy an ger provokacyon TH 3a.
Yma an ger desmygys vysytyans i’n gerlyver. Ny gefyr vysytacyon (vicitacyon TH 11a) ino.
Lowr yw hedna rag an present termyn.
-------------- next part --------------
An HTML attachment was scrubbed...
URL: <http://kernowek.net/pipermail/spellyans_kernowek.net/attachments/20180326/7d903302/attachment.htm>
More information about the Spellyans
mailing list