[Spellyans] Cornish for 'England'

Ian Jackson iacobianus at googlemail.com
Fri Apr 2 13:20:53 BST 2021


My yw leun-acordys gans Rod Lyon i’n mater-ma.

 

Nyns yw pùb dyffrans a spellyans ma’s dyffrans i’n vaner a bresentya an tavas bÿth pàn vo screfys. Screfa kenyver tavas yw tra nessek. Kyns oll, tavas yw leveryans, gerva, gramer. Dell hevel dhybm, acordyng dhe’n try musur-ma, an dhyberthva inter ‘Kernowek Arnowyth’ (dell wrug Rod y vesydhya) ha’n tavas istorek ha tradycyonal re beu tevys solabrÿs mar ledan, may ma godros hanvosek dhe’n Kernowek. Nyns usy an Akademi ow clerhe màn prag y tal sconya Kernowek dell eus dùstuny anodho in ertach Kernow hy honen, prag y tal favera desmygyans nowyth in y le. Yw hedna dasvêwa tavas in gwrioneth? Pò only bos inspîrys ganso, ha creâtya neppëth creftus, na yll ma’s dasseny an tavas gwredhek, stubmys gwadn?

 

Qwestyon fylosofek yw, martesen, moy ages onen yêthydhek. Saw gortheby an qwestyon, yn scon hag yn tâ, rag kerensa an re a vëdh i’n termyn a vydn dos, hèm yw dhe’m breus vy res porrês.

 

Ian Jackson

 

 

From: Rod Lyon <tewennow at btinternet.com> 
Sent: 02 April 2021 12:19
To: Nicholas Williams <njawilliams at gmail.com>; spellyans at kernowek.net; Ian Jackson <iacobianus at googlemail.com>
Subject: Re: Cornish for 'England'

 

E'n brys vy - ha dhe niver a dus e'n jedh hedhyw dell bredera - 'ma 'Kernowek Arnowydh' ow tiberth pella ha pella dhort an tavas hengovek.

Rod

On 31/03/2021 20:14, Nicholas Williams wrote:

Sows ena, Rod, yw hanow gwadn, kepar ha Bro Saoz in Bretonek. 

Ow argùment vy warbydn Pow Sows yw hebma: nag ywa destys in tyller vëth.

Mars yw hanow tyller kefys, gwell yw y ûsya ès hanow nag yw kefys.

Nance a wre comendya Ywerdhon nag yw kefys. An hanow destys yw Wordhen:

 

Ha e tha Worthen eath e whonnen JTonkin

 

hag Archaeologia Britannica folen 222

 



 

Nicholas





On 31 Mar 2021, at 19:15, Rod Lyon <tewennow at btinternet.com <mailto:tewennow at btinternet.com> > wrote:

 

Me a us 'Pow an Sowson'. 'Pow Sows' ew cabm - rag dalleth 'ma moy es udn Sows trigys ena!

 

-------------- next part --------------
An HTML attachment was scrubbed...
URL: <http://kernowek.net/pipermail/spellyans_kernowek.net/attachments/20210402/fd1579b1/attachment.html>


More information about the Spellyans mailing list