[Spellyans] Obma’n pdf joiniez

iacobianus at googlemail.com iacobianus at googlemail.com
Fri Feb 23 22:46:39 GMT 2018


Yma an elven ‘combe’ dhe drouvya avell an secùnd radn a henwyn tyller, spessly in Gwlas an Hâv: r.e. Butcombe – yth esof ow comendya coref an vragva-na!

Y hyllyr helerhy an ger in Greca Coth kymbe ‘hanaf; scath’, ytho possybyl yw an wredhen dhe vos Eynd-Ewropek. Yma Geiriadur Prifysgol Cymru (kensa dyllans, lema cwm) ow nôtya cumba (goles scath) a’n Galek, saw an ger-na yw dhe gafos in Latyn kefrës, ha pùbonen a’n dhew benthygys mes a’n Greca martesen; possybyl yw inwedh bos an ger Latyn benthygys mes a’n Greca, ha’n ger Galek mes a Latyn a’y wosa.

An styr ‘tnow serth’ yw kefys in ‘combe’, hag in 'cwm' kefrës. Warlergh ow soposyans vy, ‘combe’ in henwyn an Sowson yw desedhans dhe Sowsnek a elven cumba (lebmyn cwm in Kembrek) i’n henwyn Brethonek kyns. Hèn yw, ogas lowr, opynyon Ken George (An Gerlyver Meur, secùnd dyllans, folen 370). Saw nyns yw hedna prevys, dell hevel. Ny yll bos dyscowntys an elven dhe dhos dre Sowsnek y honen mars yw hy Eynd-Ewropek.

Ian Jackson

-----Original Message-----
From: Spellyans [mailto:spellyans-bounces at kernowek.net] On Behalf Of David Williams
Sent: 23 February 2018 21:00
To: spellyans at kernowek.net
Subject: [Spellyans] Obma’n pdf joiniez


Me brederaz driggy an ger “coombe” doaz athor an tavosow brittonek. Ma Padel screffa drewa Sowznak. 

(Edrak adro dhe screffa compuster vî.)






More information about the Spellyans mailing list