[Spellyans] Gerlyver an SWF

iacobianus at googlemail.com iacobianus at googlemail.com
Sat Mar 24 22:19:26 GMT 2018


“Nebonen a alsa cresy felshyp an gerlyver dhe vos whensys dhe wil Conlang a’n tavas dasvewys.

Trueth yw hedna.”

 

Gromercy dhywgh why, a Brofessour Williams, ha why ow pedha ûsya an ger ‘Conlang’. Ry bêwnans dhe Gernowek arta, y coodh dhodho bos gweyth a vêwnans nowyth aberth i’n body coth, dell yw apert (a nyns yw iredy?), hag a dhysplegyans a’y wosa rag oberow in bÿs an jëdh hedhyw, sur certan. Adar gweyth a screfa yêth nowyth ha daslevow inhy a’n tavas dell o va kyns, mar sley kyn fe.

 

Ow sewajya dres ehen y fia godhvos an gerlyver wàr lînen dhe vos dienkys mes a’y dhefnyth serus na res.

 

Yma udn qwestyon wàr level fylosofek eus gwarak dres oll an dra: Prag yth yw kebmys pobel whensys dhe settya finyow warbydn kebmys Kernowek gwir in dadn worra kekebmys Kernowek desmygys in y dyller? Dhe Gernow y fia sewyans trajek a pe hy thavas istorek argibys gans tus hobby ha yethoryon wary.

 

Ian Jackson

 

5000 er ha lavaren i’m Gerlyver Kescows, mis Du 2017, daspryntys mis Merth 2018, dhe gafos orth Agan Tavas. Rag kescows a’n weryn in Kernowek tradycyonal. Campollow dâ aga grônd yw pòr wolcùm pùb termyn.

5000 er ha lavaren moy i’m Kescows Nebes Moy, gwaitys 2018 (secùnd hanter). Rag bêwnans pùb jorna in Kernowek tradycyonal, spessly in chy.

 

From: Spellyans <spellyans-bounces at kernowek.net> On Behalf Of Nicholas Williams
Sent: 23 March 2018 13:00
To: Daniel Prohaska <Daniel at ryan-prohaska.com>
Cc: Standard Cornish discussion list <spellyans at kernowek.net>; Agan Tavas discussion list <agantavas at spyrys.org>
Subject: [Spellyans] Gerlyver an SWF

 

Dan wheg,

 

Yth esof ow redya an gerlyver wàr lînen hag yth hevel dhybm nag yw an dra perfëth yn tien.

Ot obma nebes errours pò dygessenyansow re beu merkys genef.

 

gorvryjyon to simmer. hedna a dalvia bos govryjyon, me a grës.

helergh late yw cabm. Nyns eus ma’s udn exampyl i’n textow, holergh in PA. An l warlergh e a wrug rowndya an vogalen; cf. colon, holan, olcan, h.e.

yma hwarfedhyans ha hwarvedhyans campollys. Py neyl yw ewn?

yma kanasedh delegation ha kanaseth mission i’n gerlyver. A nyns yns y an udn ger?

ple wrussons y cafos henlavar proverb? Proverb yw lavar coth gans Lhuyd ha proverbys gans Tregear.

Y kefyr i’n gerlyver lies term nag eus otham anodhans, dre rêson bos term kefys solabrës i’n textow. Rag ensampyl:

dilestra to disembark; saw tira ha londya yw destys.

disakordya to disagree; saw yma dyssentya in TH.

disklerya to declare; saw declarya yw kefys yn fenowgh in TH.

felgh spleen; yma Lhuyd ow ry an vabm.

yma godhonieth science gansans dhyworth Kembrek ha nebes geryow growndys warnodho; saw TH a lever sciens.

Yma an gerlyver ow ry gogosk rag nap; saw nyns eus gogoska to nap gansans. Nappya yw an ger in BK.

Y a re gorthargyans rag controversity; controversyta yw an ger in TH.

Y a re gwledh rag banquet; yma banket in TH.

An gerlyver re wrug desmygy hwithrus observant, saw yma lagasek in BM.

Me a alsa campolla lies exampyl aral, saw lowr yw an re-na lebmyn.

 

Nebonen a alsa cresy felshyp an gerlyver dhe vos whensys dhe wil Conlang a’n tavas dasvewys.

Trueth yw hedna.

 

Nicholas

 

 

 

 

-------------- next part --------------
An HTML attachment was scrubbed...
URL: <http://kernowek.net/pipermail/spellyans_kernowek.net/attachments/20180324/04abcd22/attachment-0001.html>


More information about the Spellyans mailing list