[Spellyans] Gerlyver an SWF

Nicholas Williams njawilliams at gmail.com
Sun Mar 25 17:52:01 BST 2018


Yma lycklod i’n Gerlyver, saw ple ma lyckly ‘likely’?

Rag henna nyns ew lyckly the cristonyan, a vo ow sewya an trad a crist in
perfect religion, the vynnas tyrmyn vith presumya the tyrry charite TH 29a. 

An gerlyver a lever bos gorow crejyans ‘belief’.
Ny worama.

mar tregowhe in gregyans na
morath why as byth ragtha CW 176-77

gwell vea a vosta kregys
ty hag oll an grydgyan[s]na CW 2316-17

Yth hevel fatell gafas crejyans reydh fëdh ‘faith’.

Yma an gerlyver ow ry gostydh ‘susceptible’ ha gostyth ‘obedient’.
Pandr’yw an dùstuny rag an dyffrans-ma?

Yma an gerlyver ow ry present n.m. present ha presont n.m. present. 
Eus dyffrans vëth intredhans?

An gerlyver a re an plûrals-ma:

serpont ~ serpons
present ~ presens
turant ~ turans

saw pemont ~ pemonts

Eus rêson rag an dyffrans?

Yth yw an ger servont servant destys in OM, PC, BM, TH, BK ha CW.
Ny welaf an ger i’n gerlyver-ma usy ow mos dhia servis dhe servya.
Nyns usy an spellyans servant ino naneyl

Yma an gerlyver ow ry gwylvos ‘wilderness’. 
Ny gefyr an ger ma’s in BM le may ma va spellys:

guylfos X 3
guylfoys X 2
guelfos x 5
guelfoys x 3

Nyns eus dùstuny vëth rag /v/ in ger-ma. Yma an ger ow tos dhyworth *gwylt+vos ha me a grës fatell wrug an t dyleva an v > f.

An spellyans <gerhdal> rag gerdhal  dyslexic yw errour, kynth usy ev ow tos warlergh gerenoges.

An gerlyver a re medhek ~ medhogyon saw gowek ~ gowygyon. Coynt yw medhogyon pàn usy an ger ow tos dhyworth medicus.

Pelha an gerlyver a re marghek ~ marghogyon. Yth hevel y dhe ankevy:
marregyon PC 1613
marregyon PC 2347
marreggyon RD 361
marregion RD 607
marregyon RD 657.

Lowr yw hedna rag an present termyn.

Nicholas


-------------- next part --------------
An HTML attachment was scrubbed...
URL: <http://kernowek.net/pipermail/spellyans_kernowek.net/attachments/20180325/33352894/attachment-0001.html>


More information about the Spellyans mailing list